Poesía e novas tecnoloxías

As novas tecnoloxías cada vez están máis presentes na literatura. Nós andivemos a buscar poemas que teñen as novas tecnoloxías como tema. Coas pesquisas elaboramos este dossier que quere humanizar, sensibilizar...estas ferramentas tan empregadas e que teñen unha lenda de frialdade e pouco agarimo.

Open publication - Free publishing - More poesia

Novas Tecnoloxías

"As novas tecnoloxías" é o tema que estamos a traballar este ano dentro dos proxectos documentais integrados. Entendemos que as novas tecnoloxías non son a panacea para solucionar os problemas que ten actualmente o ensino, pero constitúen unha ferramenta sen a que sería difícil entender a educación de hoxe.

Con elas, a través deste blog, queremos dar a coñecer o que facemos desde a biblioteca do noso colexio e, ao mesmo tempo, potenciar unha plataforma onde o noso alumnado dispoña dunha constante e actualizada fonte de información.

Día da paz

Un ano máis temos que desexar a paz no mundo porque este dereito aínda non está acadado. Este curso fixémolo con poesía e debuxo; poesía porque é a linguaxe da alma e debuxo por ser a forma máis antiga de expresión

Bibliotecas escolares na Revista Galega de Educación

A Revista Galega de Educación, publicación de Nova Escola Galega vén de publicar no número 48 un monográfico sobre Bibliotecas Escolares coordinado polas asesoras de Bibliotecas,  Cristina Novoa e Pilar Sampedro. Nesta revista colaboran varios centros do PLAMBE,  entre eles o noso co artículo "Proxectos documentais integrados".

Esta publicación está ao voso dispor na biblioteca do centro e este número constitúe un documento de referencia para visualizar o panorama do que se está a facer no noso país nas Bibliotecas Escolares. Inclúe unha listaxe de recursos bibliográficos impresos e electrónicos.

Homenaxe aos bosques

 

O ano 2011 é o ano internacional dos bosques. Desde Barallando saberes queremos aportar o noso granciño de area a esta celebración coa publicación deste calendario que vén sendo o noso homenaxe aos bosques. Está en formato PDF, listo para imprimir e encadernar.

Guía de lectura

Aí vén correndo o nadal. Neve, vacacións, familia, lume...As longas noites do inverno dan para todo. Tamén para ler. Esta guía é unha proposta para que, cun libro amigo, percorramos universos infinitos.

Dia dos dereitos humanos

O noso é un mundo violento. Cada día despertámonos cunha imaxe de violencia:  políticos lanzándose as cadeiras no Parlamento, empurróns e pelexas nos estadios de fútbol, acoso escolar nos centros de ensino...conflictos por todas partes,  froito da inxustiza, a exclusión e a vulneración dos dereitos dos demais,  que impiden a convivencia pacífica.

Pensamos que a violencia é evitable se non só nos abandeiramos cos dereitos,  senón tamén coas obrigas; se resolvemos os conflictos co diálogo, con alternativas, se temos en conta a reciprocidade...se chegamos a acordos que nos permitan convivir.